Այդ գերակա ազգերի ինքնորոշման իրավունքը

Ազգերի ինքնորոշման իրավունքը ավելի գերակա է, քան պետության տարածքային ամբողջականության իրավունքը: Այս մասին լրագրողների հետ հանդիպման ժամանակ ասաց քաղաքագետ Լեւոն Շիրինյանը:

Նրա խոսքով, եթե գերակա չլիներ ինքնորոշման իրավունքը, ապա շատ պետություններ այսօր չէին լինի, եւ չէր լինի հենց ԱՄՆ-ը, որի 28-րդ նախագահ Վուդրո Վիլսոնը պաշտպանեց այդ իրավունքը:

ԵՐԿԻՐ-ի հարցին, թե այդ դեպքում ինչպե՞ս հասկանալ այն, որ մեր պետությունը ստորագրել է Մադրիդյան փաստաթղթի տակ, որտեղ վերոնշյալ երկու իրավունքները հավասարզոր են համարվում, Լեւոն Շիրինյանը պատասխանեց. «Բացի այն, որ Հայաստանում խաղաղությունը շարունակվում է, ես այդ փաստաթղթերում Հայաստանին ձեռնտու այլ բան չեմ տեսնում: Արտգործնախարարն անընդհատ որեւէ դրական բան է փնտրում, բայց ո՞րն է դա»:

Նա հավելեց, որ մենք հստակ գիտենք մեր հակառակորդի ով լինելը. թուրքը պատմության ընթացքում մեզ հետ որեւէ կոմպրոմիսի չի եկել: