Ֆեյսբուքը չի փակվելու

Ինտերնետային ցանցում լուր էր տարածվել, թե Ֆեյսբուքը մինչեւ մարտի 15-ը փակվելու է, քանի որ Զաքերբերգը «իր նախկին կյանքն է ուզում» եւ ցանկանում է «վերջ տալ այս ողջ խենթությանը»:

Mashable-ը հաղորդում է, որ իրենք Ֆեյսբուքի կորպորատիվ հաղորդակցության տնօրեն Լարի Յույից պաշտոնապես հերքում են ստացել այն մասին, որ տարածված լուրը սուտ է:

«Պատասխանը «ոչ» է: Մեզ օգնեք` վերջ դնել այս բամբասանքներին: Մենք որեւէ փաստաթուղթ չենք հրապարկել կայքի փակման վերաբերյալ»,- գրել է տնօրենը` ի պատասխան  Mashable-ի ուղարկած էլեկտրոնային նամակի:

Արդյո՞ք Ֆեյսբուքը փակելու որոշում կընդունվեր, եթե ընդամենը օրեր առաջ Գոլդման Սաքսի կողմից 450 միլիոն եւ ռուսական Digital Sky Technologies-ի կողմից 50 միլիարդ դոլարի ներդրում է կատարելու մասին հայտարարվեց:

Mashable-ը գրում է նաեւ, որ այս բամբասանքը տարածող կայքը հայտնի է այլմոլորակայինների օդանավերի հարձակումների եւ Միշել Օբամայի հղիության մասին հաղորդած սուտ լուրերով: