ԵՄ-ի դռները փակվելու են բելառուս որոշ չինովնիկների առջեւ

Եվրամիությունը պատրաստվում է ընդլայնել բելառուս չինովնիկների ցանկը, որոնց մուտքը Եվրամիություն արգելված է: Այս մասին Մինսկում մամուլի ասուլիսի ժամանակ հայտարարել է Բելառուսիայում Հունգարիայի դեսպան Ֆելիքս Կոնտրան:

«Այն անհրաժեշտ է թարմացնել, եւ այդ ուղղությամբ աշխատում են»,- դեսպանն ասել է, թե այդ որոշումն ընդունվելու է Եվրամիության արտգործնախարարության կողմից:

Նա նշել է նաեւ, որ ԵՄ երկրների բոլոր դեսպանները խնդրում են հանդիպում կազմակերպել ԲԵլառուսիայի նախագահի նախկին թեկնածուների հետ, ովքեր ներկայումս ազատազրկված են:

Կոնտրան բացատրել է, որ այդ հանդիպման նպատակը ազատազրկված թեկնածուների առողջության մասին որեւէ ինֆորմացիա ստանալն է` մինչեւ Բրյուսելում Բելառուսիայի հարցի քննարկումները կսկսվեն:

Բելառուսյան ընդդիմությունը 2010 թ-ի դեկտեմբերի 19-ին չթույլատրված բողոքի ակցիա էր կազմակերպել անմիջապես այն բանից հետո, երբ հայտարարվել էր Ալեքսանդր Լուկաշենկոյի երկրի նախագահ վերընտրվելու մասին:

Մինսկի կենտրոնում անկարգություններ էին տեղի ունեցել, կառավարության շենքի վրա հարձակման փորձ էր եղել: Ոստիկանությունը ձերբակալել էր ավելի քան 600 մարդու, նրանց թվում նաեւ նախագահի նախկին թեկնածուներին:

Ներկայումս ՊԱԿ-ի մեկուսարանում են չորս նախկին թեկնածուները` Վլադիմիր Նեկլյաեւը, Անդրեյ Սաննիկովը, Նիկոլայ Ստատկեվիչը, Ալեքսեյ Միխալեւիչը: Իսկ Վիտալի Ռիմաշեվսկին եւ Գրիգորի Կոստուսեւը ազատ են արձակվել` երկրից չմեկնելու պայմանով:

Նրանք բոլորը մեղադրվում են զանգվածային անկարգություններ հրահրելու մեջ:

Այս մասին հաղորդում է РИА «Новости»-ին: