Մոսկվայում ավելի քան 1300 մարդ է ձերբակալվել

Երեկ Մոսկվայի ոստիկանությունը ձերբակալել է ավելի քան 1300 մարդու, առգրավել 16 տրավմատիկ ատրճանակ, ավելի քան 200 դանակներ, մուրճեր եւ բեյսբոլի ձողեր: Ուժային կառույցների աղբյուրները ԶԼՄ-ներին հայտնել են, թե տուժել են մոտավորապես 30 հոգի, 5-ը հոսպիտալացվել են:

«Ձերբակալվածների պատկանելությունը ոչ ֆորմալ կամ ծայրահեղական շարժումներին պարզելու նպատակով ոստիկանության աշխատակիցները կալանել են 1348 մարդու: Նրանց մոտ հայտնաբերվել են մետաղյա ձողեր, էլեկտրաշոկեր, կաստետներ»,- ասել է ներքին գործերի վարչության ներկայացուցիչը: Արձանագրություններ են կազմվել 37 կալանվածների վարչական իրավախախտումների վերաբերյալ: