Կանանց տոնին ընդառաջ՝ թուրք ոստիկանները ծեծել են կանանց

Թուրքիայի տարբեր շրջաններում ոստիկանությունը ռետինե փամփուշտներով ցրել է Կանանց միջազգային օրվան նվիրված տոնակատարության կապակցությամբ ցույցի դուրս եկածներին:

Ըստ Demokrathaber-ի՝ իրենց իրավունքների պաշտպանության համար մանուշակագույն պաստառներով Պոլսի կենտրոնական հրապարակում ցույցի դուրս եկած կանանցից մի քանիսը ձերբակալվել են:

Նմանատիպ դեպքեր են տեղի ունեցել նաև Անկարայում: Կին ցուցարարներին ցրելու համար ոստիկանները կիրառել են բռնություն, արցունքաբեր գազ և ռետինե փամփուշտներ: 

Հիշեցնենք, որ Թուրքիայում Կանանց միջազգային օրվա կապակցությամբ անկացվելիք բոլոր միջոցառումները արգելվել էին դեռ օրեր առաջ: