|
Փոխարժեքներ
16 11 2026
|
||
|---|---|---|
| USD | ⚊ | $ 360.44 |
| EUR | ⚊ | € 396.7 |
| RUB | ⚊ | ₽ 4.3693 |
| GBP | ⚊ | £ 475.35 |
| GEL | ⚊ | ₾ 138.95 |
Մայիսի 14-ին Կոմպոզիտորների միության դահլիճում Մարիա Ղուշչյանի ստեղծագործության հնչյուններով մեկնարկեց երիտասարդ հայ կոմպոզիտորների կամերային երաժշտության փառատոնը: Երեկ փառատոնի ընթացքում հնչեցին կոնսերվատորիայի ստեղծագործական բաժնի ուսանողների` Մարիա Ղուշչյանի, Էլեն Յոլչյանի, Ռուբեն Անտոնյանի, Հովիկ Սարդարյանի, Արթուր Հարությունյանի, Մարիամ Սահակյանի, Ալվինա Կարապետյանի, Վահագն Վարդանյանի, Մերի Դոլմազյանի ստեղծագործությունները:
ԿՄ նախագահ Արամ Սաթյանը նշեց, որ երիտասարդները պետք է լսեն իրենց ստեղծագործությունները, քանի որ միայն այդ կերպ կարող են կատարելագործվել ու շարժվել առաջ. «Կոմպոզիտորների միությունը պատրաստ է աջակցել ու սատարել երիտասարդներին»:
Փառատոնի երկրորդ համերգը, որը նախատեսված է մայիսի 16-ին, կկայանա Կոմիտասի անվան կամերային երաժշտության տանը: Այդ օրը կհնչեն Աննա Հակոբջանյանի, Մարտին Ուլիխանյանի, Սարգիս Ատամյանի, Տիգրան Ասլանյանի, Սամվել Գանտրալյանի, Ժիրայր Շահրիմանյանի, Սաթենիկ Հակոբյան-Ուլիխանյանի և Հեղինե Սարգսյանի ստեղծագործություններից: Համերգի մուտքն ազատ է: