Փոխարժեքներ
01 10 2024
|
||
---|---|---|
USD | ⚊ | $ 387.29 |
EUR | ⚊ | € 433.34 |
RUB | ⚊ | ₽ 4.17 |
GBP | ⚊ | £ 519.2 |
GEL | ⚊ | ₾ 141.99 |
Այս տարվա հունվար–սեպտեմբեր ամիսներին Հայաստան է այցելել 487.902 զբոսաշրջիկ, ինչը 15,6 տոկոսով ավելի է նախորդ տարվա նույն ժամանակաշրջանի ցուցանիշից: ՀՀ Էկոնոմիկայի նախարարության զբոսաշրջության վարչության պետ Մեխակ Ապրեսյանի համոզմամբ մինչև տարեվերջ այս թիվը կհատի 600.000-ի սահմանը: Հայաստանից արտերկիր մեկնող զբոսաշրջիկների թիվը նույնպես աճել է մոտ 19 տոկոսով, սակայն նախորդ տարվա համեմատ նվազել է Թուրքիա հանգստանալու մեկնող զբոսաշրջիկների թիվը: «Թուրքիա գնալու հիմնական պատճառը ծովափնյա հանգիստ վայելելն էր, սակայն այժմ էժան այլընտրանքն է ավելացել»,-ասաց Մեխակ Ապրեսյանը:
Հայաստան այցելող զբոսաշրջիկների թվով առաջին տեղում է Ռուսաստանի Դաշնությունը, նրան հետեւում է Վրաստանը։ Իսկ Իրանից Հայաստանում հանգստանալ ցանկացողների թիվը գրեթե կրկնակի աճել է։