ԵՄ-ն հաստատել է Ռուսաստանի դեմ պատժամիջոցների ցանկը

Եվրամիության արտաքին գործերի նախարարները հաստատել են Ռուսաստանի ռազմաարդյունաբերական համալիրին ուղղված պատժամիջոցների շուրջ 1600 նոր անուններից բաղկացած ցանկը։ Այս մասին հոկտեմբերի 12-ին հայտնել է ԵՄ արտաքին քաղաքականության ղեկավար Կայա Կալասը X սոցիալական ցանցում կատարած գրառման մեջ։

«ԵՄ արտաքին գործերի նախարարները հենց նոր հաստատեցին պատժամիջոցների մոտ 1600 նոր ցուցակագրումներ՝ թիրախավորելով Ռուսաստանի ռազմաարդյունաբերական համալիրը։

Սա պատժամիջոցների մեր ցանկի ամենախոշոր ընդլայնումն է Ռուսաստանի կողմից պատերազմը սկսելուց ի վեր»,- նշվել է գրառման մեջ։

Կալասի խոսքով՝ Եվրոպան կրկին միասնական դիրքորոշում է դրսևորել։

«Ցանկում ներառվածների ավելի քան կեսը կապված է բալիստիկ հրթիռների արտադրական շղթայի հետ։

Մենք զգալիորեն բարդացնում, դանդաղեցնում և թանկացնում ենք Ռուսաստանի համար այնպիսի զենքերի արտադրությունը, որոնք նա օգտագործում է ուկրաինացիներին սպանելու համար»,- հավելել է նա։