«Իրանք 7-8 միլիոն փող են ստանում, իսկ մեր քամբախ տները մեր ձեռից վերցնում, մեզ գցում են փողոցները, տղայիս էլ բերման ենթարկեցին, էնտեղ ծեծելու են հաստատ»․ Վարդաշենի վթարային շենքի բնակիչները կառավարության դիմաց են

Երևանի Վարդաշենի հանրակացարանի՝ 68ա և 66/1 շենքերի բնակիչներն այսօր բողոքի ակցիա իրականացրեցին կառավարության շենքի առջև։ Նրանց պահանջն է՝ շենքերի վթարայնության պատճառով անհապաղ տարհանել իրենց և ապահովել բնակարաններով։

Ակցիայի ժամանակ իրավիճակը լարվեց։ Ոստիկանության աշխատակիցները ակցիայի մասնակիցներից մեկին բերման ենթարկեցին։  Հավաքվածները պատմեցին, որ ոստիկանը հրել են մի տարեց կնոջ, վերջինիս տղան էլ հարվածել է ոստիկանին։ 

«Ուզել են ճանապարհն անցնել, ոստիկանը հրել է  այդ կնոջը, տղան էլ էպիլեսպիայով հիվանդ է, այդ պահին չի գիտակցել ու ոստիկանին հարվածել է։ Եթե մորը հրում են, երեխան էլ պետք է արձագանքի»,- նշեց  ակցիայից մասնակիցներից մեկը։ 

Բերման ենթարկված 41-ամյա տղամարդու մոր ինքնազգացողությունը վատացել է, ժամանել է շտապօգնություն։ 

Մանրամասն՝ տեսանյութում։