Իրանք ո՞վ են, որ ես ճանաչեմ, իրանք պտի ինձ ճանաչեն. Առաքել Մովսիսյանը՝ նորընտիր պատգամավորների մասին

Այ ցավդ տանեմ, խորհրդարանն ի՞նչ կապ ունի իմ հետ, հարցեր ուղղեք մեր թազա պատգամավորներին. Yerkir.am-ի հարցին՝ 6-րդ գումարման խորհրդարանի պատգամավորները կարողանո՞ւմ են արժանիորեն փոխարինել նախորդ գումարման ԱԺ պատգամավորներին, այսպես պատասխանեց 5-րդ գումարման ԱԺ  պատգամավոր Առաքել Մովսիսյանը:

«Նորընտիր պատգամավորներից որևէ մեկին անձամբ ճանաչո՞ւմ եք» հարցին նա պատասխանեց. «Բայց իրանք ո՞վ են, որ ես ճանաչեմ,  իրանք պտի բոլորը ինձ ճանաչեն, ես  շա՞տ իմանամ՝ ովքեր են: Հները մերոնք են, իսկ մնացածը` իրանք պտի ճանաչեն»:

Ի դեպ, Մովսիսյանը չբացառեց նաև, որ կարող է վերադառնալ քաղաքականություն: «Ես ցանկացած ժամի, ցանկացած վայրկյան ցանկացած տեղում կարող եմ հայտնվել, սպասեք մնացած զարգացումներին»,- ասաց նա: