Իրանի ԶՈւ-ն հայտարարել է ԱՄՆ-ի և Իսրայելի հետ պատերազմի վերսկսման հավանականության մասին

Իրանի զինված ուժերը հայտարարել են, որ երկրի դեմ ամերիկա-իսրայելական պատերազմի վերսկսումը հավանական է, քանի որ «փաստերը վկայում են այն մասին, որ ԱՄՆ-ն հավատարիմ չէ որևէ համաձայնագրի կամ պայմանագրի», -հայտնում է Fars-ը։

«ԱՄՆ պաշտոնյաների գործողություններն ու հայտարարություններն առաջին հերթին ուղղված են լրատվամիջոցներին և նպատակ ունեն, նախ՝ կանխել նավթի գների անկումը, և երկրորդ՝ դուրս գալ իրենց իսկ ստեղծած խառնաշփոթից»,- ասված է ռազմական շտաբի փոխղեկավար Մոհամմադ Ջաֆար Ասադիի հայտարարության մեջ։

«Զինված ուժերը լիովին պատրաստ են ամերիկացիների կողմից ցանկացած նոր արկածախնդրության կամ հիմարության»,- հավելել է Ասադին։