Յունիբանկը գործող բարեխիղճ բիզնես հաճախորդներին կտրամադրի հետվճար

Հաշվի առնելով ՀՀ Կենտրոնական բանկի 02.04.2026թ. որոշումը՝ վարկային ռիսկի հաշվարկում միկրո, փոքր և միջին կազմակերպությունների նկատմամբ պահանջների ռիսկի կշիռների նվազեցման վերաբերյալ, Յունիբանկը վերանայում և բարելավում է վարկավորման պայմանները։

«Բանկերի գործունեության կարգավորումը, բանկային գործունեության հիմնական տնտեսական նորմատիվները» Կանոնակարգ 2-ով սահմանված պահանջներին համապատասխանող բարեխիղճ բիզնես վարկառուներին Յունիբանկը կտրամադրի հետվճար՝ ՀՀ դրամով պարտավորությունների մնացորդի 1.2% չափով։

Փոքր և միջին ձեռնարկատիրության խթանումն ու աջակցությունը Յունիբանկի ռազմավարական առաջնահերթություններից է։ Ձեռնարկությունները կարևոր դեր ունեն երկրի սոցիալ-տնտեսական զարգացման գործում, և բանկը շարունակաբար ձգտում է իր հաճախորդներին առաջարկել վարկավորման ավելի շահավետ և հասանելի պայմաններ։