Ինչպե՞ս ենք հատուցելու մեր հաճախորդներին, բաժնետերերին. ԿԲ նախագահը` գյուղացիների վարկերը սառեցնելու մասին

Աժ նիստում ԲՀԿ խմբակցության պատգամավոր Տիգրան Ուրիխանյանը հարց ուղղեց ԿԲ նախագահ Արթուր Ջավադյանին, ասելով որ Հայաստանում հազարավոր գյուղացիական տնտեսություններ բանկային տոկոսների տակ «ճկռած են», և նման պայմաններում սուր է դրված բնական աղետներից տուժած գուղացիական տնտեսությունների հարցը:

«Բանկերը զիջումների չեն գնում, դա հայտնի է, ուրեմն ի՞նչ է պատրաստվում ձեռնարկել ԿԲ-ն, բնական աղետներից տուժած գյուղացիական տնտեսությունների համար` տոկոսադրույքները սառեցնելու առումով, ի՞նչ է, կսնանկանաք՞»,- հարցրեց Տիգրան Ուրիխանյանը: Արթուր Ջավադյանը նշեց, որ բանկերն ունեն մեկ միլոն հաճախորդներ, որոնք ունեն ավանդներ, ու խնդիր կա հատուցել այդ ավանդները:

«Իսկ ո՞վ է հատուցելու այդ մարդկանց ավանդները, բանկերի քաղաքականությունը բաղկացած է նաև պարտավորությունների մասով:Բազմաթիվ բաժնետերեր ունենք, մենք չենք կարող հաշվի չառնել նրանց շահերը, և սառեցնելով տոկոսադրույքները մենք կարող ենք պրոբլեմներ ունենալ այդ նույն զանգվածի հետ»,- ասաց ԿԲ նախագահը` հավելելով, որ ԿԲ-ն փորձում է ցուցաբերել ինդիվիդուալ մոտեցում: Նա նշեց, որ վերջին ցրտահարությունից տուժած 47 հազար գյուղացիական տնտեսություններին վարկ է տրամադրվել տաս տոկոս են կամ դրանից ցածր տոկոսադրույքներով: