ՏԵՍԱՆՅՈՒԹ․ Կան մասնագետներ, պատրաստված անձինք, որոնց հետ պետք է պատրաստ լինենք երկարատև ճանապարհ անցնելու․ Արմեն Գևորգյան

Հոսքը դեպի «Հայաստան» դաշինքի շտաբ մեծացել է, դա նշանակում է հանրության մոտ հետաքրքրությունը մեծանում է մեր դաշինքի հանդեպ՝ ըստ Yerkir.am-ի ասաց «Հայաստան» դաշինքի շտաբի պետ Արմեն Գևորգյանը մամուլի ասուլիսում։

Նա ասաց, որ քարոզարշավի ժամանակ առանց խնդիրներ ստեղծելու ուրիշների համար կանեն իրենց աշխատանքը և մեր բնակչությանը կհամոզեն, որ անպայման մասնակցեն գալիք ընտրություններին, իսկ մասնակցելու դեպքում ընտրեն «Հայաստան» դաշինքին։

«Հետաքրքիր աշխատանք  է սկսվել մեր ներկայացրած ծրագրի քննարկման շուրջ, բազմաթիվ առաջարկություններ ենք ստացել և առաջիկայում սկսելու ենք մասնագիտական համայնքների հետ քննարկումներ։ Ունենք մասնագետներ, պատրաստված անձինք, որոնց հետ պետք է պատրաստ լինենք երկարատև ճանապարհ անցնելու։ Քարոզարշավի ժամանակ էլ կփորձենք այն մարդկանց հայնաբերել, որոնց հետ կհամագործակցենք, պրոցեսները չեն ավարտվելու ամսի 20-ով, երկար ճանապարհ ունենք անցնելու՝ երկիրն այս փոսից հանելու համար։ Այնպես որ, շնորհակալ կլինենք, եթե առաջարկները շարունակեն մեզ ուղարկել»,-ասաց Արմեն Գևորգյանը։

Նա ասաց, որ այդ փորձը հետաքրքիր կլինի ապագայում գործադիր իշխանության շրջանակում էլ կիրառել։

Մանրամասն՝ տեսանյութում․