Դատարանը մերժեց Արթուր Սարգսյանի կալանքը վերացնելու միջնորդությունը․ Արամ Վարդևանյան

ԱԺ «Հայաստան» խմբակցության պատգամավոր Արթուր Սարգսյանը կշարունակի մնալ կալանավորված։ Երևանի ընդհանուր իրավասության քրեական դատարանը՝ դատավոր Կարեն Ֆարխոյանի նախագահությամբ, մերժել է Արթուր Սարգսյանի նկատմամբ ընտրված կալանքը վերացնելու կամ համակցված՝ տնային կալանքով, գրավով, վարչական հսկողությամբ և բացակայելու արգելքով փոխարինելու մասին միջնորդությունը։

Արթուր Սարգսյանի 85-ամյա հայրը՝ Լավրենտ Սարգսյանն, առողջական լուրջ խնդիրներ ունի՝ Սարգսյանի կալանավորումից հետո, սակայն այս պայմաններում միջնորդությունը մերժվել է, ինչը պաշտպան Արամ Վարդևանյանի դիտարկմամբ՝ մարդասիրության ճգնաժամի մասին է վկայում։