Բուհերի ռեկտորները չեն մասնակցել ագրարայինի հոբելյանական միջոցառմանը

ՀՀ բուհական համակարգում կա ավանդույթ, երբ նշվում է բուհի հոբելյանական տարեդարձը, մյուս բուհերի ռեկտորները մասնակցում են հանդիսավոր նիստին, հղում են շնորհավորական ուղերձներ: Մասնակցում են նաև արտասահմանյան գործընկեր բուհերի պատվիրակություններ:

Yerkir.am-ը նկատել է, որ վերջերս Հայաստանի ազգային ագրարային համալսարանի հիմնադրման 95-ամյակին նվիրված հանդիսությանը ՀՀ շուրջ 20 բուհերից մասնակցել են ընդամենը 2 ռեկտոր՝ Գորիսի պետական համալսարանի ռեկտոր Տիգրան Վանդունցը և Պետական կառավարման ակադեմիայի ռեկտոր Խաչատուր Ղազեյանը: 

Նրանք էլ հավանաբար մասնակցել են  քաղաքավարության  տեսանկյունից, որովհետև երկուսն էլ նախկինում աշխատել են ագրարայինում: 

Արտասահմանյան բուհերից, անգամ հարևան Վրաստանից որևէ պատվիրակություն մասնակցություն չի ունեցել հանդիսությանը:

Սա ցույց է տալիս ընդամենը մեկ բան՝ բուհերի ղեկավարների վերաբերմունքը ագրարայինի իրենց գործընկերոջ նկատմամբ:

Ագրարայինի 95-ամյակը կոլեկտիվը և սակավաթիվ ուսանողությունը կհիշի թերևս մեկ դրվագով: 

Գյուղատնտեսական բուհի ռեկտորը հանդիսության վերջում նվագել է դաշնամուր: