Հեշտ հանդիպում չի սպասվում. Պորտուգալիայի հավաքականը տեսանյութ է հրապարակել

Պորտուգալիայի ազգային հավաքականը  սոցցանցերի իր  էջում տեսանյութ է հրապարակել Հայաստանի Վազգեն Սարգսյանի անվան «Հանրապետական» մարզադաշտից։

Տեսանյութում Պորտուգալիայի հավաքականի  գլխավոր մարզիչ Ռոբերտո Մարտինեսն ու պաշտպան Ռուբեն Դիաշը  անդրադարձ են կատարում  Հայաստանի և Պորտուգալիայի միջև կայացած նախորդ խաղերիի ու նշում, որ իրենց հեշտ հանդիպում չի սպասվում։

«Եթե նայենք Պորտուգալիայի և Հայաստանի միջև կայացած խաղերին, ապա դրանք մրցակցային էին։ Հաշվի տարբերությունը միշտ շատ մոտ է եղել։ Որակավորման փուլում մնացել է ընդամենը 6 խաղ։ Դժվարությունը մեծ է լինելու։ Մենք պետք է պատրաստ լինենք պատասխանատվության։ Մենք պետք է լավ սկսենք»,- armsport-ի փոխանցմամբ՝ ասվում է տեսանյութում։

Ինչպես արդեն հայտնել ենք՝  ԱԱ-2026-ի եվրոպական գոտու որակավորման փուլի F խմբի առաջին տուրի  շրջանակում վաղը՝ սեպտեմբերի 6-ին, տեղի կունենա Հայաստան – Պորտուգալիա հանդիպումը։