Թուրքիայի պատվիրակությունը ներկա կլինի Ստամբուլում ՌԴ-ի և Ուկրաինայի բանակցություններին

Թուրքական պատվիրակությունը ներկա կլինի այս շաբաթ Ստամբուլում նախատեսված Ռուսաստանի և Ուկրաինայի բանակցություններին: Այս մասին ՌԻԱ Նովոստիին հայտնել է գործընթացին ծանոթ թուրք բարձրաստիճան պաշտոնյա։

Թուրքիայի արտգործնախարար Հաքան Ֆիդանն այսօր հայտարարել է, որ Ռուսաստանի և Ուկրաինայի պատվիրակությունների բանակցությունները տեղի կունենան շաբաթվա ընթացքում՝ Ստամբուլում:

«Ներկա կլինի», - ասել է գործակալության զրուցակիցը՝ պատասխանելով ռուս-ուկրաինական բանակցություններին թուրքական պատվիրակության մասնակցության մասին լրագրողների հարցին:

ՌԴ-ն և Ուկրաինան անցկացրել են ուղիղ բանակցությունների երկու փուլ, հանդիպումները կայացել են Ստամբուլում։ Նրանց արդյունքը գերիների փոխանակումն էր։ Բացի այդ, Ռուսաստանը Կիևի ռեժիմին է փոխանցել զոհված զինծառայողների մարմինները։ Դրանից բացի, կողմերը փոխանակվել են հակամարտության կարգավորման վերաբերյալ հուշագրերի նախագծերով։