Ավստրիայի արտգործնախարարը հայտարարել է, որ ՌԴ-ն պատրաստ չէ Ուկրաինայի հարցով բանակցություններին

Ավստրիայի արտաքին գործերի նախարար Ալեքսանդր Շալենբերգը հայտարարել է, որ Ռուսաստանը պատրաստ չէ Ուկրաինայի հարցով բանակցություններին՝ չնայած Մոսկվայի՝ պատրաստակամության մասին բազմաթիվ հայտարարություններին։ Այս մասին նա նշել է  գերմանական Die Welt թերթին տված հարցազրույցում։

«Կարծում եմ, որ այս պահին դա հարմար ժամանակ չէր լինի: Մոսկվան հիմա ակնհայտորեն պատրաստ չէ բանակցություններին»,- ասել է Շալենբերգը՝ պատասխանելով հարցին, թե արդյոք Արեւմուտքը պետք է բանակցություններ սկսի Ուկրաինայում հրադադարի վերաբերյալ:

Նրա կարծիքով, Ուկրաինայի դաշնակիցները պետք է շարունակեն երկրին ռազմական, հումանիտար եւ տնտեսական աջակցություն ցուցաբերել պաշտպանության պայքարի համար, ինչպես նաեւ հետեւողականորեն պատժամիջոցներ կիրառեն Ռուսաստանի Դաշնության դեմ։

Ռուսաստանին եւ ռազմական մտադրություններ ունեցող այլ պետություններին պետք է զսպել, ասել է Ավստրիայի ԱԳՆ ղեկավարը։