ՍԱՏՄ ղեկավարը ծաղկեգործներին վաղը հրավիրում է քննարկման

Ռուսաստանի դաշնություն ծաղիկ արտահանելու խնդրով հետաքրքրված բոլոր տնտեսավարողներին ՀՀ սննդամթերքի անվտանգության տեսչական մարմինը հրավիրում է քննարկման։ Այս մասին նշված է ՍԱՏՄ տարածած հաղորդագրությունում։

«Բոլոր ցանկացողներին առաջարկում ենք վաղը՝ 15․07․2025թ  ժամը 12։00-ին  լինել սննդամթերքի անվտանգության տեսչական մարմնում, հասցեն՝ Կոմիտաս 49/2։

Քննարկմանը կմասնակցի ՍԱՏՄ ղեկավար Տիգրան Պետրոսյանը»,- ասվում է հաղորդագրությունում։

Նշենք, որ ծաղկագործները այսօր բողոքել են, որ չեն կարողանում իրենց ծաղիկներն արտահանել Ռուսաստան, մինչդեռ իրենց արտադրանքի 95 տոկոսը հենց ՌԴ արտահանման համար է նախատեսված։