Սպորտի նախարարությունը հրավիրում է քննարկման

Հայաստանի սպորտի եւ երիտասարդության հարցերի նախարարությունը մարզական կազմակերպություններին եւ մարզական լրագրողներին հրավիրում է մասնակցել օլիմպիական եւ ոչ օլիմպիական մարզաձեւերի մարզական արդյունքների գնահատման չափորոշիչների հաստատմանը միտված քննարկումներին:

«Հրավիրում ենք մարզական կազմակերպություններին (անկախ կազմակերպաիրավական ձեւից) եւ մարզական լրագրողներին` մասնակցելու ՀՀ սպորտի եւ երիտասարդության հարցերի նախարարության կողմից մշակվող օլիմպիական եւ ոչ օլիմպիական մարզաձեւերի մարզական արդյունքների գնահատման չափորոշիչների հաստատմանը միտված քննարկումներին: 

Ստորեւ ներկայացված է թիմային եւ անհատական մարզաձեւերում հանդես եկած մարզիկների գնահատման չափորոշիչների նախնական ցանկը, որի վերաբերյալ ակնկալում ենք շահագրգիռ կողմերի առաջարկներն ու դիտողությունները: 

Ընդհանուր պատկերն ավելի ճշգրիտ ու իրատեսական դարձնելու նպատակով նախատեսվում է անցկացնել հանդիպում-քննարկում, որը տեղի կունենա  ՀՀ սպորտի եւ երիտասարդության հարցերի նախարարության դահլիճում՝ նոյեմբերի երկրորդ տասնօրյակի ընթացքում (ստույգ ժամկետների մասին կտեղեկացվի լրացուցիչ): 

Ուստի  հրավիրում ենք մասնակցելու քննարկմանը, մինչ այդ շահագրգիռ  կողմերին խնդում ենք [email protected] էլեկտրոնային հասցեին ուղարկել  Ձեր գրավոր առաջարկներն ու դիտողությունները` հայտարարության հրապարակումից հետո տասնօրյա ժամկետում: Դրանք անպայման կդրվեն քննարկման եւ դրական կարծիքի դեպքում կներգրավվեն չափորոշիչների վերջնական ցանկում: 

1. Օլիմպիական խաղեր. 1-ին տեղ՝ 10 միավոր,  2-րդ տեղ՝ 8 միավոր, 3-րդ տեղ՝ 7 միավոր

2. Աշխարհի մեծահասակների առաջնություն.  1-ին տեղ՝ 7 միավոր,  2-րդ տեղ՝ 5 միավոր , 3-րդ տեղ՝4 միավոր

3. Եվրոպայի մեծահասակների առաջնություն.  1-ին տեղ՝ 4 միավոր,  2-րդ տեղ՝ 3 միավոր,  3-րդ տեղ՝ 2 միավոր

4. Համաշխարհային ուսանողական խաղեր.  1-ին տեղ՝ 2 միավոր, 2-րդ տեղ՝ 1 միավոր,  3-րդ տեղ՝ 1 միավոր

 5. Եվրոպայի երիտասարդների առաջնություն. 1-ին տեղ՝ 1 միավոր»,- նշված է հայտարարությունում: