Թրամփը ՌԴ-ի հետ Ուկրաինայի հարցով համաձայնագրի հասնելու հնարավորություն է տեսնում

ԱՄՆ նախագահ Դոնալդ Թրամփը հայտարարել է, որ հավատում է Ռուսաստանի հետ Ուկրաինայի հարցով համաձայնագրի կնքման հնարավորությանը։

Մայամիում ներդրումային համաժողովի ժամանակ իր ելույթում Թրամփը հայտնել էր, որ Էր Ռիադում Ռուսաստանի և ԱՄՆ-ի պատվիրակությունների միջև բանակցություններն ընթացել են շատ լավ և դարձել առաջընթաց մեծ քայլ։ ԱՄՆ նախագահը նաև այն կարծիքն է հայտնել, որ Ռուսաստանն ունի «հաղթաթղթեր» ռուս-ուկրաինական հակամարտության կարգավորման հարցում, բայց միևնույն ժամանակ ցանկանում է, որ այն ավարտվի։

«Կարծում եմ՝ ռուսները ցանկանում են, որ պատերազմն ավարտվի: Այո, իրոք ցանկանում են: Բայց կարծում եմ, որ նրանք ունեն «հաղթաթղթեր», քանի որ նրանք շատ տարածքներ են գրավել, այնպես որ նրանք «հաղթաթղթեր» ունեն», - մեջբերում է Թրամփի խոսքը Սպիտակ տան մամուլի ծառայությունը: