Իրանի նախագահ Մասուդ Փեզեշքիանը կայցելի Մոսկվա

Իրանի նախագահ Մասուդ Փեզեշքիանը 2025 թ-ի հունվարի 17-ին կայցելի Մոսկվա: Այս մասին հայտնել է Ռուսաստանում Իրանի դեսպան Քազեմ Ջալալին։

«Այդ այցի ընթացքում Փեզեշքիանը և Պուտինը երկու երկրների համագործակցության մասին պայմանագիր կստորագրեն»,-դիվանագետի խոսքը մեջբերում է դեսպանատան Telegram-ալիքը:

Ավելի վաղ Ռուսաստանն ու Իրանը համաձայնեցրել էին երկու երկրների միջև համապարփակ ռազմավարական գործընկերության մասին պայմանագիրը: ԶԼՄ-ներում տեղեկություններ են հայտնվել, որ փաստաթուղթը կարող է ստորագրվել Կազանում ԲՐԻԿՍ-ի գագաթնաժողովի ընթացքում, սակայն երկրների նախագահներ Վլադիմիր Պուտինը և Մասուդ Փեզեշքիանը Թուրքմենստանում կայացած զրույցի ընթացքում պայմանավորվել են, որ փաստաթուղթը կստորագրվի Իրանի նախագահի՝ ՌԴ կատարած առանձին այցի ժամանակ: