Դամասկոսի օդանավակայանը դադարեցրել է աշխատանքը, բոլոր աշխատակիցները տարհանվել են

Դամասկոսի միջազգային օդանավակայանում բոլոր թռիչքները դադարեցվել են, հայտնում է սիրիական Sham FM ռադիոկայանը։

«Բոլոր աշխատակիցները տարհանվել են Դամասկոսի միջազգային օդանավակայանից և բոլոր թռիչքները դադարեցվել են»,- ասվում է հաղորդագրության մեջ։

Ավելի վաղ ապստամբները հայտնել էին, որ մտել են Սիրիայի մայրաքաղաք Դամասկոս։ CNN-ը և Al Jazeera-ն հայտնում են, որ քաղաքի օդանավակայանում «քաոս» է։ Ամերիկյան հեռուստաալիքը, վկայակոչելով իր լրագրողների կողմից հաստատված տեսանյութը, հայտնում է, որ տասնյակ մարդիկ արագ անցնում են օդանավակայանի հսկիչ կետերով, որտեղ անձնակազմ գրեթե չկա։

AFP-ն, վկայակոչելով Մարդու իրավունքների սիրիական դիտորդական կենտրոնը, հայտնում է, որ կառավարության սպաներն ու զինվորները լքել են մայրաքաղաքի օդանավակայանը։