ԳԱԱ ակադեմիկոս Յուրի Սարգսյանի հոգեհանգստը տեղի կունենա Երևանի Սուրբ Հովհաննես եկեղեցում՝ սեպտեմբերի 27-ին

Ակադեմիկոս Յուրի Սարգսյանի հոգեհանգստի արարողությունը տեղի կունենա Երևանի Սուրբ Հովհաննես եկեղեցում՝ սեպտեմբերի 27-ի ժամը 18։00-ից։ Վերջին հրաժեշտը տեղի կունենա նույն վայրում' սեպտեմբերի 28-ի ժամը 12:30-ից։

Յուրի Սարգսյանն իր անգնահատելի ներդրումն ունի ՀՀ-ում ճարտարագիտական կրթության և գիտական մտքի զարգացման գործում՝ գիտամանկավարժական բազմամյա գործունեություն ծավալելով մեքենաների և մեխանիզմների տեսության, ռոբոտատեխնիկայի և համակարգչային նախագծման ոլորտներում։

Նա բազմաթիվ միջազգայնորեն ճանաչված գիտական աշխատությունների հեղինակ է,  բարձրագույն կրթության ու գիտության ոլորտի արդյունավետ կառավարիչ, որն իր գիտական ձեռքբերումների և անձնային բարձր հատկանիշների շնորհիվ վայելում էր թե՛ հայաստանյան, թե՛ միջազգային ճարտարագիտական համայնքների հարգանքը։