Բացահայտվել է Ռուսաստանում վթարված SSJ 100-ի հրամանատարի վերջին խոսակցության բովանդակությունը

Մերձմոսկվայում կործանված Sukhoi Superjet 100 (SSJ 100) ինքնաթիռի անձնակազմի հրամանատար Եվգենի Բուլավկոն զանգել է կնոջը կործանումից կես ժամ առաջ։ Վերջին խոսակցության բովանդակությունը բացահայտել է «МК: срочные новости» Telegram ալիքը։

SSJ 100-ի օդաչուի կինը նրա հետ խոսել է հունիսի 12-ին, ժամը 14:29-ին: Բուլավկոն պատմել է նրան, որ գտնվում է ինքնաթիռում և պատրաստվում է թռիչքի։

Նշվում է, որ վատ կանխազգացումներ և բողոքներ օդանավի վերաբերյալ նա չի ունեցել: Ժամը 15.01-ին ահազանգ է ստացվել, որ օդանավն ընկել է:

Հուլիսի 12-ին Մոսկվայի մարզում վթարի է ենթարկվել Sukhoi Superjet 100 ինքնաթիռը։ Նախնական տվյալներով՝ ինքնաթիռում եղել է անձնակազմի երեք անդամ, բոլորը զոհվել են։

«Известия»-ի հաղորդմամբ, Sukhoi Superjet 100 ինքնաթիռը կործանվել է մերձմոսկովյան Կոլոմնայի շրջանում։