Թուրքական օդուժը հարվածներ է հասցրել Հյուսիսային Իրաքի քրդական ռազմաճամբարների ուղղությամբ

Ապրիլի 1-ին` առավոտյան, թուրքական օդուժը հարվածներ է հասցրել Հյուսիսային Իրաքի Զափ և Մեթինա շրջաններում գտնվող Քուրդիստանի բանվորական կուսակցության հենակետերին և ռազմական ճամբարներին. տեղեկացնում է Ermenihaber-ը:

Թուրքական Yenisafak լրատվամիջոցի հաղորդմամբ` օպերացիային մասնակցել են  4 «F-16»  և  8 «F-4 2020» ռազմական ինքնաթիռներ: Ոչնչացվել են ՔԲԿ-ի մի շարք թաքստոցներ և զինանոցներ:  Թուրքական օդուժը հարվածներ է հասցրել նշյալ շրջանների 8 թիրախների:

Նշյալ տեղեկությունը հաստատել է Թուրքիայի զինված ուժերի (ԶՈՒ) գլխավոր շտաբը: Թուրքական աղբյուրը չի հաղորդում` արդյո՞ք օդային հարվածների հետևանքով կան զոհեր, թե՞ ոչ: