Էթնա հրաբուխը սկսել է ժայթքել լավայի շատրվաններ

Սիցիլիայում Էտնա հրաբուխը լույս կիրակի գիշերը սկսել է հրե լավայի շատրվաններ ժայթքել։ Այս մասին հայտնել Է Իտալիայի երկրաֆիզիկայի և հրաբխագիտության ազգային ինստիտուտը (Ingv)։

Կազմակերպությունում հավելել են, որ հրաբխային գործունեության արդյունքում առաջանում են մոխրի արտանետումներ։ Դրանք ցրվում են հարավ-արևելքի ուղղությամբ։ Իր հերթին գազի և մոխրի ամպը բարձրացել է հինգ կիլոմետր բարձրության վրա։

Էթնայի հրաբխային ակտիվության նոր փուլը սկսվել է հուլիսի 4-ին։ Ingv-ի տվյալներով՝ հրաբխի գործունեությունն ուղեկցվել է լեռան հարավ-արեւելյան եւ հյուսիս-արեւմտյան ծայրերում գտնվող երկու խառնարաններից լավայի արտանետումներով։