կարևոր
2485 դիտում, 2 ամիս առաջ - 2024-03-23 17:06
Քաղաքական

Ասում են՝ դաշնակից չունենք, ես դաշնակցի տեղը ցույց եմ տալիս՝ Իրանը, որը պատրաստ է օգնել ՀՀ֊ին․ Իշխան Սաղաթելյան

«Հայաստան» խմբակցության պատգամավորների հերթական հանդիպումը Կոտայքի մարզի Հրազդան քաղաքում էր։ ՀՅԴ Հայաստանի ԳՄ ներկայացուցիչ, «Հայաստան» խմբակցության պատգամավոր Իշխան Սաղաթելյանն իր խոսքում ներկայացրեց Հայաստանի ներքին ու արտաքին մարտահրավերները, սպառնացող նոր վտանգները և խնդիրները միասնաբար հաղթահարելու ուղիները։   Իշխան Սաղաթելյանը խոսեց նաև հայ-իրանական հարաբերությունից՝ կարևորելով Իրանի դերը տարածաշրջանում՝ որպես մեր երկրի ռազմավարական դաշնակցի։

Նշենք, որ հանդիպումը քաղաքացիների հետ տեղի է ունենում Հրազդանի Դրամատիկական Թատրոնում։ Մասնակցում են ԱԺ «Հայաստան» խմբակցության ղեկավար Սեյրան Օհանյանը, խմբակցության պատգամավորներ Լիլիթ Գալստյանը, Աննա Գրիգորյանը, Էլինար Վարդանյանը, Քրիստինե Վարդանյանը, Արթուր Խաչատրյանը և Աշոտ Սիմոնյանը։
Մանրամասն՝ տեսանյութում։