կարևոր
1003 դիտում, 1 ամիս առաջ - 2024-02-26 11:33
Հասարակություն

Ամփոփվեց «Իրավաբանական խորհրդատվության 2023-2024» Բրաուն Մոսթեն միջ․ մրցույթի ազգային փուլը

Փետրվարի 24-ին և 25-ին Երևանում առաջին անգամ անցկացվեց «Իրավաբանական խորհրդատվության 2023-2024» Բրաուն Մոսթեն միջազգային մրցույթի ազգային փուլը։ Նախաձեռնությունն իրականացվում է ԱՄՆ Միջազգային զարգացման գործակալության Հայաստանի Արդարադատության ոլորտի աջակցության ծրագրի շնորհիվ։

Մրցույթն առաջին անգամ կազմակերպել է ամերիկացի փաստաբան Լուի Մ․Բրաունը 1969 թ․-ին, իսկարդեն 1985 թ.-ինայն հռչակվել է որպես միջազգային մրցույթ։ Ամենամյա մրցույթի նպատակն է ներգրավել իրավաբանական կրթություն ստացող ուսանողներին փորձարարական ուսուցման մեջ և զարգացնել հարցազրույց վարելու նրանց հմտությունները՝ օգնելով ձևավորել իրավաբան-վստահորդ արդյունավետ հարաբերություններ: Մրցույթը ուսանողներին զինում է գործնական հմտություններով՝ նախապատրաստելու նրանց մուտքը աշխատաշուկա։ Այս տարվա մրցութային թեման Միջազգային մարդասիրական իրավունքն է:

Մրցույթի առաջին ազգային փուլին մասնակցել է 4 թիմ հայաստանյան 2 բուհից։ Իրավաբանական կկրթություն ստացող երկու ուսանողներից բաղկացած թիմերը մասնագիտական ժյուրիին են ներկայացրել խորհրդտավության և գործի վերլուծության հմտությունները։

Ուսանողներին գնահատել  է իրավաբաններից և հոգեբաններից բաղկացած հանձնաժողովը՝ հաշվի առնելով վստահորդի դեր կատարող անձի հետ արդյունավետ աշխատելու նրանց կարողությունները:

Եզրափակիչ փուլի դատավորների հանձնաժողովի կազմում ընգրկված էին  Ռեբեկա Ուայթը (ԱՄՆ ՄԶԳ/Հայաստանի առաքելության տնօրենի տեղակալ), Քլեր Բեմբրիքը (ԱՄՆ ՄԶԳ Հայաստանի Արդարադատության ոլորտի աջակցության ծրագրի ղեկավարի պաշտոնակատար), Վլադիմիր Վարդանյանը (ՀՀ Ազգային ժողովի պետական-իրավական հարցերի մշտական հանձնաժողովի նախագահ), Արթուր Աթանեսյանը (Երևանի պետական համալսարանի Սոցիոլոգիայի ֆակուլտետի Կիրառական սոցիոլոգիայի ամբիոնի վարիչ), Դիլեյն Սվենսոնը (Լեհաստանի Լյուբլինի կաթոլիկ համալսարանի Իրավաբանական հմտությունների զարգացման կենտրոնի հիմնադիր տնօրեն):

ԱՄՆ ՄԶԳ Հայաստանի Արդարադատության ոլորտի աջակցության ծրագիրը որպես մրցույթի ազգային համակարգող ֆինանսավորում և իրականացնում է մրցույթի ազգային փուլը։ Ծրագիրը նաև ֆինանսական և տեխնիկական աջակցություն կտրամադրի՝ ապահովելու հաղթած թիմի մասնակցությունը մրցույթի միջազգային փուլին, որն անցկացվելու է 2024 թ․ապրիլի 10-13-ին Լեհաստանի Լյուբլին քաղաքում։

Մանրամասն՝ տեսանյութում։