Հայտնի է՝ կորոնավիրուսի հարուցիչների կյանքի տևողությունը դռան բռնակների ու զուգարանների վրա

ԱՄՆ-ի Հիվանդությունների վերահսկման և կանխարգելման կենտրոնի (CDC) մասնագետները նշում են՝ չնայած նրան, որ դեռևս հաստատված չէ կորոնավիրուսի՝ օբյեկտների մակերևույթների միջոցով մարդուց մարդ փոխանցվելու վարկածը, այնուամենայնիվ հայտնի է, որ վարակը կարող է երկար ժամանակ ապրել տարբեր օբյեկտների վրա՝ այդպիսով կենդանի օրգանիզմների համար վարակվելու վտանգ պարունակելով. Yerkir.am-ի տեղեկացմամբ՝ հայտնում է popmech.ru-ն:

Քանի որ COVID-19-ի մասին քիչ տեղեկություններ կան, գիտնականները վերլուծել են մարդու և կենդանիների տարբեր վիրուսների, այդ թվում՝ սուր շնչառական համախտանիշի հետ կապված կորոնավիրուսի (SARS) և մերձաևելյան շնչառական համախտանիշի վերաբերյալ 22 ուսումնասիրություն: Արդյունքում պարզվել է, որ կորոնավիրուսը կարող է մնալ օբյեկտի մակերևույթի վրա՝ թողնելով հարուցիչներ, որոնք սենյակային ջերմաստիճանում կարող են գոյատևել մինչև 9 օր:

Միջին հաշվով, մարդկանց համար վտանգավոր այս տեսակի վարակի դեպքում օբյեկտների կյանքի տևողությունը 4-5 օր է, իսկ հիվանդությունների որոշակի տեսակներ, որոնք ազդում են միայն կենդանիների վրա, կարող են ապրել մինչև 28 օր:

Իրենց աշխատության մեջ, որը հրապարակվել է Journal of Hospital Infection ամսագրում, գիտնականները նշել են, որ ցածր ջերմաստիճանի հետ միասին խոնավությունը հետագայում մեծացնում է վիրուսի կյանքը:

COVID-19-ի դեմ արդյունավետորեն պայքարելու համար խորհուրդ է տրվում մանրակրկիտ ախտահանել այն մակերեսները, որոնց հետ հիվանդը կարող էր շփում ունենալ:

Ախտահանման համար արդյունավետ է նատրիումի հիպոքլորիդի, ջրածնի պերօքսիդի կամ էթանոլից պատրաստված տարբեր լուծույթների օգտագործումը: