Բայդենը Զելենսկիին դեկտեմբերի 12-ին հրավիրել է Սպիտակ տուն

ԱՄՆ նախագահ Ջո Բայդենն իր ուկրաինացի գործընկեր Վլադիմիր Զելենսկիին հրավիրել է դեկտեմբերի 12-ին Սպիտակ տանը հանդիպման, փոխանցում է ТАСС-ը։

«Նախագահ Բայդենը երեքշաբթի օրը՝ դեկտեմբերի 12-ին, հրավիրել է Ուկրաինայի նախագահ Վլադիմիր Զելենսկիին հանդիպել Սպիտակ տանը», - ասվում է մամուլի ծառայության հաղորդագրության մեջ։ Նշվում է, որ երկու պետությունների ղեկավարները կքննարկեն Ուկրաինայի ներկայիս կարիքները և «կրիտիկական պահին ԱՄՆ-ի կողմից շարունակական աջակցության կենսական անհրաժեշտությունը»։

Ինչպես պարզաբանել է Սպիտակ տան մամուլի ծառայությունը, Բայդենը մտադիր է «ընդգծել Ուկրաինայի ժողովրդին աջակցելու Միացյալ Նահանգների անսասան հանձնառությունը»։