Բայդենը մտադիր չէ հանդիպել Պուտինի հետ. Սպիտակ տուն

ԱՄՆ նախագահ Ջո Բայդենը մտադիր չէ հանդիպել Ռուսաստանի նախագահ Վլադիմիր Պուտինի հետ, չորեքշաբթի հայտարարել է Սպիտակ տան մամուլի քարտուղար Կարին Ժան Պյերը:

Ինքը՝ Բայդենն, ավելի վաղ հայտարարել էր, որ այս պահին իմաստ չի տեսնում բանակցություններ վարել Պուտինի հետ։

«Նախագահը խորապես համոզված է, որ Ռուսաստանը պետք է կամ ընդունի լուրջ առաջարկը բանտարկյալների փոխանակման վերաբերյալ, որը մենք առաջ ենք քաշել, կամ լուրջ հակափաստարկ ներկայացնի բանակցելու համար։ Սակայն, կրկնեմ, նա մտադիր չէ հանդիպել Վլադիմիր Պուտինի հետ»,-պարզաբանել է Ժան Պիերը ճեպազրույցի ժամանակ։

Ընդ որում, նա հավելել է, որ ամերիկյան վարչակազմը շարունակում է կապ պահպանել Մոսկվայի հետ կալանավորների փոխանակման հեռանկարների վերաբերյալ: