03 05 2024
|
||
---|---|---|
EUR | ⚊ | 414.92 |
GBP | ⚊ | 485.04 |
GEL | ⚊ | 144.8 |
RUB | ⚊ | 4.22 |
USD | ⚊ | 387.63 |
Դեկտեմբերի 1-ից Հայաստանում ուժի մեջ է մտնում Հարկային օրենսգրքում փոփոխությունների և լրացումների նոր փաթեթը, որը շահութահարկ է սահմանում ավտոմեքենաների ներմուծմամբ զբաղվող ընկերությունների համար: Այս փոփոխությունները խորհրդարանի կողմից ընդունվել են նոյեմբերի 16-ին:
Ըստ փոփոխությունների ավտոներկրողները ստիպված են լինելու շահույթի 20%-ը վճարել պետությանը: Ավտոներկրողներն արդեն երկրորդ անգամ ակցիա են իրականացրել, այս անգամ ՀՀ նախագահականի նստավայրի դիմաց:
Նախորդ ակցիան Կառավարության շենքի դիմաց էր. ավտոներկրողները իրենց բողոքի ձայնը բարձրացրեցին, սակայն Կառավարությունից ոչ ոք չարձագանքեց ավտոներկրողների բողոքին:
«Աբսուրդային որոշում են կայացրել , մենք ԱԺ-ում էլ ասել ենք իրենց, որ այս օրենքն ընդունելու դեպքում ավտոներկրողները բազմաթիվ խնդիրներ կունենան, ոլորտը կտանենք անկման և շատ կարժ ժամանակամիջոցում Հայաստանը, որ այն դիրքը զբաղեցրել է ԵԱՏՄ շուկայում ավտոներկրման վաճառքի հետ կապված, այդ ամենը կընկնի ջուրը»,- ասաց «Հայաստան» խմբակցության պատգամավոր Գառնիկ Դանիելյանը: