ՌԴ-ից արտաքսել են մոտ 8000 ապօրինի միգրանտի

Ընթացիկ տարվա հոկտեմբերի 2-ից մինչև 8-ը «Նելեգալ-2023» գործողության ընթացքում շուրջ 8 հազար օտարերկրացի է արտաքսվել ՌԴ-ից, երկու փուլերի արդյունքներով արտաքսվել է 15 հազար մարդ, լրագրողներին հայտնել է Ռուսաստանի ՆԳՆ պաշտոնական ներկայացուցիչ Իրինա Վոլկը:

Նրա խոսքով՝ ռուս իրավապահները ՀԱՊԿ անդամ պետությունների գործընկերների հետ 2023 թվականի հունիսի 19–ից 25-ն ընկած ժամանակահատվածում և հոկտեմբերի 2-ից 8-ն ընկած ժամանակահատվածում իրականացրել են «Նելեգալ-2023»գործողության երկու փուլ։

Վոլկը նշել է, որ ընդամենը երկու փուլի ընթացքում հայտնաբերվել է միգրացիոն օրենսդրության շուրջ 96 հազար խախտում։ Դրանց թվում են ՌԴ-ում օտարերկրացիների մուտքի, ելքի, տարանցիկ երթեւեկության եւ կացության կանոնների ավելի քան 73 հազար խախտումներ։ Հայտնաբերվել է նաև աշխատանքային գործունեության ավելի քան 22 հազար խախտում։