կարևոր
2986 դիտում, 5 ամիս առաջ - 2023-10-24 14:13
Քաղաքական

Նմաններին ոչ թե պետք է դեսպան նշանակել, այլ 15 օրվա հանրային աշխատանքի՝ Երևանի աղբահանությունը կազմակերպող ընկերությունում․ Էդգար Ղազարյան

Նմաններին ոչ թե պետք է դեսպան նշանակել, այլ 15 օրվա հանրային աշխատանքի՝ Երևանի աղբահանությունը կազմակերպող ընկերությունում․ Էդգար Ղազարյան

Հասարակական գործիչ Էդգար Ղազարյանը գրում է.

«Դեսպանի նշանակման ողջ գործընթացը, մինչև Հանրապետության նախագահի կողմից հրամանագրի ստորագրումն ու հրապարակումը, հանդիսանում է պետական գաղտնիք։ Պետական գաղտնիքի հրապարակումը ՀՀ քրեական օրենսգրքով նկարագրված հանցագործություն է։

Մինչև դեսպանի նշանակումը թեկնածուի մասին տեղեկությունների տարածումը դիվանագիտական առումով դիտվում է որպես անհարգալից վերաբերմունք դեսպնընկալ երկրի հանդեպ և անթույլատրելի ճնշման փորձ` ագրեմանի հաստատման գործընթացում։

Գուրգեն Արսենյանն իր հայտարարությամբ փաստացի հաստատել է իր թեկնածության փաստը Ռուսաստանի Դաշնությունում ՀՀ դեսպանի պաշտոնում` հրապարակելով պետական գաղտնիք հանդիսացող տեղեկություն։ Նման պատահականություններին ոչ թե դեսպան պետք է նշանակել, այլ դատարանի որոշմամբ առնվազն 15 օրվա հանրային աշխատանքի նշանակել Երևանի աղբահանությունը կազմակերպող ընկերությունում»։