Արցախը հանձնել են, հիմա խաղաղ ե՞ք ապրում․զոհված զինծառայողի հայր

Մեզ միացան Եռաբլուրի մեր տղաները, իրենք ամեն անգամ հենց գալիս են, քամի է բարձրանում, այս հավաքից հետո քամին էլի կգնա: Այս մասին Արցախի անկախության օրվա առթիվ կազմակերպված հանրահավաքի ժամանակ ասել է 44-օրյա պատերազմին զոհված Հակոբ Ռոստոմյանի հայր՝ Արա Ռոստոմյանը:

Ըստ նրա ինքն հանրահավաքին է ոչ միայն որպես Հակոբ Ռոստոմյանի հայր, այլ նաև ներկայացնում է «Որդիների կանչ» հասարակական կազմակերպությունը և իր խոսքը կազմակերպության խոսքն է: «Շատերը չեն հանդուրժում այս իշխանություններին, բայց չգիտես ինչի արտագաղթում են, իրենց թվում է, որ գնան այլ երկիր, լավ կյանք ապահովեն իրենց որդիների համար, և ամեն անգամ ասում են, որ կյանքը մեկ անգամ է տրված:

Կյանքը բարձրագույն արժեք չէ, բարձրագույն արժեքը գաղափարն է, որի համար գնացին մեր տղաները, իրենց կյանքը նվիրելով Արցախին: Քանի դեռ մենք սա չենք գիտակցել, մենք կկորցնենք Արցախը, ապա Հայաստանը»,- ասել է նա:

Ըստ նրա ոչ թե Հայաստանն է Արցախի անվտանգության երաշխավորը, այլ Արցախն է եղել Հայաստանի անվտանգության երաշխավորը: