28 03 2024
|
||
---|---|---|
EUR | ⚊ | 427.55 |
GBP | ⚊ | 498.56 |
GEL | ⚊ | 146.05 |
RUB | ⚊ | 4.27 |
USD | ⚊ | 394.71 |
Արայիկ Հարությունյանը մարտի 8-ին ստորագրել է մի շարք հրամանագրեր՝ պաշտոններից ազատելով մի խումբ նախարարների և նրանց փոխարեն նշանակելով նորերի։
Արցախի նախագահի հրամանագրով Հրանտ Կամոյի Սաֆարյանն ազատվել է Արցախի գյուղատնտեսության նախարարի պաշտոնից, գյուղատնտեսության նախարար է նշանակվել Գեորգի Լևոնի Հայրիյանը:
Արմեն Արտիկի Մանգասարյանն ազատվել է Արցախի սոցիալական զարգացման և միգրացիայի նախարարի պաշտոնից, և նախարար է նշանակվել Վահրամ Ռուդիկի Առաքելյանը:
Արամ Ալեքսեյի Սարգսյանն ազատվել է Արցախի քաղաքաշինության նախարարի պաշտոնից: Քաղաքաշինության նախարարի պարտականությունների կատարումը ժամանակավորապես վերապահվել է նախարարի տեղակալ Ազատ Վիլենի Համբարձումյանին:
Հանրապետության նախագահի ավելի վաղ ստորագրած Կառավարության որոշումների համաձայն՝ Գեորգի Լևոնի Հայրիյանն ազատվել էր Արցախի ջրային կոմիտեի նախագահի պաշտոնից, որի պարտականությունների կատարումը ժամանակավորապես վերապահվել է կոմիտեի նախագահի առաջին տեղակալ Արարատ Սամուրկայի Խաչատրյանին, իսկ Վահրամ Ռուդիկի Առաքելյանն ազատվել էր Արցախի սոցիալական զարգացման և միգրացիայի նախարարի տեղակալի պաշտոնից: