կարևոր
4801 դիտում, 1 տարի առաջ - 2023-03-05 14:43
Աշխարհ

«Հայ Դատն այսօր» 14-րդ խորհրդաժողովն ամփոփեց իր երկօրեայ բովանդակային եւ ընդլայնւած քննարկումները

«Հայ Դատն այսօր» 14-րդ խորհրդաժողովն ամփոփեց իր երկօրեայ բովանդակային եւ ընդլայնւած քննարկումները

«alikonline.ir» – Երէկ՝ մարտի 3-ին Թեհրանում աւարտւեց «Հայ Դատն այսօր» 14-րդ խորհրդաժողովը «Հայաստանը, Արցախը, եւ յարափոփոխ տարածաշրջանը» խորագրով, որը նախաձեռնել էր Հայկական հարցերի ուսումնասիրութեան կենտրոնը (ՀՈՒՍԿ):

Ընդլայնւած խորհրդաժողով, որի օրակարգում էր Հայաստանի, Արցախի եւ միջազգային քաղաքական, սոցիալ-տնտեսական եւ բարոյահոգեբանական իրավիճակի քննութիւնը, տարբեր մարտահրաւէրների գնահատումը, հայութեան զարգացման տեսլականի եւ այլ հարցերի մասին քննարկումները:

Երկօրեայ խորհրդաժողովն իր ընդլայնւած քննարկումների ժամանակ մասնաւորապէս, անդրադարձել է ՀՀ պարտւած իշխանութիւնների վարած ապազգային քաղաքականութեան աղէտաբեր լինելու հանգամանքին, շարունակւող ամբոխավարական մօտեցումների հետեւանքների, Արցախի հարցը անտեսելու սպառնալիքների, «Խաղաղութեան դարաշրջան» բացելու ՀՀ իշխանութիւնների վարած քաղաքականութեան բովանդակային սնանկութեան, սփիւռքի գործօնը անտեսելու հանգամանքին, հայ-իրանական գործակցութիւնների խորացման անհրաժեշտութեան, ադրբեջանա-թուրքական տարածաշրջանային յաւակնութիւնների մարտահրաւէրների եւ հնարաւոր զարգացումների, գիտելիքահէնք տնտեսութեան զարգացման, ինչպէս նաեւ հայ-թուրքական յարաբերութիւնների խնդրին՝ հայաստանեան եւ սփիւռքեան քաղաքական եւ հասարակական մտքի ընկալումների, ինչպէս նաեւ՝ Ռուսաստանի տարածաշրջանային դերակատարութեանը եւ այլ հարցերի:

Խորհրդաժողովի զեկուցաբերներն էին՝ ՀՅԴ Գերագոյն մարմնի ներկակացուցիչ Իշխան Սաղաթելեանը, ՀՅԴ Բիրոյի անդամ, Բիւրոյի Հայ Դատի եւ քաղաքական հարցերի գրասենեակի պատասխանատու Կիրօ Մանոյեանը, Ալիքօնլայնի խմբագիր-պատասխանատու Արամ Շահնազարեանը, ազգային հասարակական գործիչներ Արթուր Յովսէփեանը, Նոէլ Մինասեանը, ՀՀ ԱԺ «Հայաստան» խմբակցութեան պատգամաւոր Աննա Գրիգորեանը, Թեհրանի հայոց թեմի առաջնորդ Տ. Սեպուհ Ս. արք. Սարգսեանը, ադրբեջանագէտ Անժելլա Էլիբեկովան, իրանագէտ Ահարոն Վարդանեանը եւ քաղաքագէտ Հրանտ Մելիք-Շահնազարեանը:

Միջոցառման աւարտին Թեհրանի Հայ Դատի յանձնախմբի խօսքն արտայայտեց՝ Իսակ Իւնանէսեանը, այնուհետեւ ՀՅԴ Իրանի հիւսիսային շրջանի ԿԿ խօսքն է փոխանցել Արամ Շահնազարեանը, որին յաջորդել է ՀՅԴ Բիւրոյի խօսքը, այն ներկայացրել է Կիրօ Մանոյեանը:

Խորհրդաժողովի աւարտին ելոյթ ունեցաւ Թեհրանի հայոց թեմի առաջնորդ Տ. Սեպուհ Ս. արք. Սարգսեանը: