Ռուս խաղաղապահները Լեռնային Ղարաբաղում գործում են բացառապես եռակողմ պայմանագրի համաձայն. Պեսկովը պատասխանել է Փաշինյանին

Ռուս խաղաղապահները Լեռնային Ղարաբաղում գործում են Ռուսաստանի, Հայաստանի եւ Ադրբեջանի եռակողմ համաձայնություններին համապատասխան եւ ամեն ինչ անում են կարգուկանոնի ապահովման համար, հայտարարել Է ՌԴ նախագահի մամուլի քարտուղար Դմիտրի Պեսկովը:

«Ռուս խաղաղապահներն անում են հնարավոր ամեն ինչ, որպեսզի ապահովեն կարգուկանոնն ու հանգստությունն այն տարածքներում, որտեղ նրանք աշխատում են։ Եվ նրանք գործում են բացառապես այն փաստաթղթերի ոգուն և տառին համապատասխան, որոնք ստորագրվել են կողմերի միջև», - ասել Է Պեսկովը։

Հիշեցնենք՝ Նիկոլ Փաշինյանն այսօր կառավարության նիստում հայտարարել է, որ ՌԴ խաղաղապահ զորախումբը չի կատարում եռակողմ հայտարարությամբ արձանագրված իր պարտավորությունը։