Հայաստանի իշխանություններին ու ցուցարարներին կոչ ենք անում հանդուրժողականություն ցուցաբերել. ԱՄՆ պետդեպ

Հայաստանի և ԱՄՆ-ի միջև անցյալ շաբաթ կայացած ռազմավարական երկխոսության շրջանակներում կողմերը հաստատել են իրենց հավատարմությունը Հայաստանի ժողովրդավարական զարգացմանը և ԱՄՆ-ի աջակցությանը խաղաղությանը Հարավային Կովկասում. հայտարարել է ԱՄՆ պետդեպարտամենտի խոսնակ Նեդ Փրայսը:

Նա նաև անդրադարձել է Հայաստանում տեղի ունեցող բողոքի ցույցերին՝ հավելելով, որ խաղաղ ցույցերը թափանցիկ քաղաքական համակարգի մաս են:

«Մենք լիովին աջակցում ենք մտքերի արտահայտման և խաղաղ հավաքների հիմնարար ազատությունը: Կոչ ենք անում մարդկանց՝ իրենց կարծիքը հայտնել խաղաղ ճանապարհով: Մենք կոչ ենք անում իշխանություններն՝ի ցուցաբերել հանդուրժողականություն և կոչ ենք անում ցուցարարներին՝ ձեռնպահ մնալ բռնությունից, հարգել ժողովրդավարությունն ու օրենքի գերակայությունը Հայաստանում»,- ասել է Փրայսը: