Հարավային Օսիայի ղեկավարն իրական է գնահատել Ռուսաստանին միանալու հնարավորությունը

Հարավային Օսիայի մուտքը Ռուսաստան այժմ իրական է. RIA Novosti-ին տված հարցազրույցում ասել է Հարավային Օսիայի ղեկավար Անատոլի Բիբիլովը։

Ավելի վաղ նա ասել էր, որ Ցխինվալը շուտով իրավական քայլեր կձեռնարկի Ռուսաստանի մաս դառնալու համար։ Նրա խոսքով՝ այժմ խորհրդակցություններ են ընթանում Մոսկվայի հետ. հանրաքվեն կարող է տեղի ունենալ ապրիլի 10-ից հետո։

«Այսօր կա այս հնարավորությունների պատուհանը, այսօր մենք ևս մեկ անգամ շեշտում ենք, որ իրական է Հարավային Օսիայի ժողովրդի՝ Ռուսաստանի Դաշնության մաս դառնալու դարավոր, փաստացի դարավոր ցանկությունը։ Մենք ուղղակի իրավունք չունենք բաց թողնելու այս հնարավորությունը»,- ասել է Բիբիլովը։

Միաժամանակ, Հարավային Օսիայի ղեկավարը հորդորել է հանրաքվեի անցկացումը չկապել Ուկրաինայում ռուսական հատուկ գործողության ավարտի հետ։