Հայաստանում խափանվել է «ՌԻԱ Նովոստի» և «Վեստի» կայքերի աշխատանքը

Եվրամիությունն ու ԱՄՆ-ը Ռուսաստանի դեմ պատժամիջոցների շրջանակներում սկսել են սահմանափակումներ կիրառել նաև ռուսական առաջատար լրատվական գործակալությունների դեմ:

Այսպես՝ այդ սահմանափակումները գլխավորապես առնչվում են տարբեր երկրներում գրասենյակներ ունեցող Russia Today և Sputnik լրատվական գործակալություններին:

Տարբեր երկրներ էլ իրենց հերթին կասեցնում են նաև ռուսական այլ հայտնի լրատվամիջոցների աշխատանքն իրենց երկրների տարածքում: 

Այսօր արդեն որոշակի խնդիրներ են նկատվում նաև Հայաստանի տարածքում որոշ ռուսական լրատվամիջոցների օնլայն աշխատանքում: Ռուսական հեղինակավոր ԶԼՄ-ներից «ՌԻԱ Նովոստին» և «Վեստին» դարձել են անհասանելի հայաստանյան օգտատիրոջ համար դեռևս անհայտ պատճառներով: