Արցախում Վերածննդի օրվա առթիվ հարգանքի տուրք է մատուցվել հայրենիքի պաշտպանության համար զոհված հերոսներին

Փետրվարի 20-ը Արցախյան ազգային-ազատագրական պայքարի՝ արցախյան շարժման, Արցախահայության զարթոնքի օրն է: 34 տարի առաջ հենց այս օրն Արցախի տարեգրության մեջ պատմական ու բեկումնային իրադարձություն տեղի ունեցավ:

Արդար էր արցախահայության պահանջը. դուրս գալ Ադրբեջանական ԽՍՀ-ի կազմից՝ միավորվելով մայր Հայաստանին։

Արցախի Հանրապետության բարձրաստիճան պետական այրերը, զինվորականներ և  «Ի պաշտպանություն Արցախի» հասարակական նախաձեռնության` ՀՀ-ից ժամանած անդամների ուղեկցությամբ, փետրվարի 20-ին այցելել են քաղաքային հուշահամալիր, հարգանքի տուրք մատուցել և ծաղիկներ են խոնարհել հայրենիքի պաշտպանության համար զոհված հերոսների հիշատակին:

Այնուհետև ԱՀ ներքին գործերի նախարար Կարեն Սարգսյանը՝ ԱԻ պետական ծառայության տնօրեն Մեխակ Արզումանյանի, ոստիկանության պետ Արտյոմ Հարությունյանի ուղեկցությամբ հարգանքի տուրք է մատուցել արցախյան բոլոր պատերազմների ընթացքում անմահացած հերոսների, ղարաբաղյան շարժման առաջամարտիկների և 2020 թվականի 44-օրյա պատերազմի ընթացքում հերոսացած ոստիկանների և փրկարարների շիրիմներին: