Շոյգուն Ուոլեսից բացատրություն է պահանջել՝ Ուկրաինայում Մեծ Բրիտանիայի հատուկ ջոկատայինների ներկայության վերաբերյալ

Ռուսաստանի պաշտպանության նախարար Սերգեյ Շոյգուն Մեծ Բրիտանիայի պաշտպանության նախարար Բեն Ուոլեսի հետ Մոսկվայում կայացած հանդիպման ժամանակ պահանջել է բացատրել Ուկրաինայում բրիտանական հատուկ ջոկատայինների ներկայությունը: Նա նաեւ առաջարկել է արեւմտյան երկրներին իրենց ներդրումն ունենալ Եվրոպայում լարվածության թուլացման գործում եւ դադարեցնել զենքի մատակարարումներն Ուկրաինա:

«Մեր կողմից կցանկանայինք առաջարկել նաև ներդրում ունենալ այդ լարվածության թուլացման և Ուկրաինային առատորեն զենք մատակարարելու դադարեցման գործում։ Բոլոր կողմերից այն մատակարարվում է։ Դա արվում է ցուցադրական կերպով։ Այնքան էլ հասկանալի չէ, թե ինչի՞ համար։ Կուզենայի նաև հասկանալ, թե ինչու է Բրիտանիան, թագավորությունը, իր հատուկ նշանակության ջոկատներ ուղարկել Ուկրաինա, և մինչև երբ են նրանք այնտեղ գտնվելու», - ասել Է Շոյգուն։

Ուոլեսն ինքը Ռուսաստան այցի նախօրեին կարծիք է հայտնել, որ Ուկրաինայի սահմանների մոտ իրավիճակն ավելի լարված է դառնում, ինչպես նաեւ պնդել է, որ Ռուսաստանն Ուկրաինայի հետ սահմանի մոտ մեծ քանակությամբ զորքեր է կենտրոնացրել: