ՀԱՊԿ-ն 2022 թվականին զորավարժությունների շարք կանցկացնի Կենտրոնական Ասիայի երկրներում, այդ թվում՝ Ղազախստանում

ՀԱՊԿ-ը 2022 թվականին մի շարք զորավարժություններ կանցկացնի Կենտրոնական Ասիայի երկրներում. ճեպազրույցում ասել է ՀԱՊԿ միացյալ շտաբի ղեկավար Անատոլի Սիդորովը։

«Ղազախստանի Հանրապետության տարածքում մենք նախատեսում ենք համատեղ և հատուկ զորավարժություններ անցկացնել, որոնք համատեղում են զորքերի տարբեր բաղադրիչների պատրաստումը…»,- ասել է Սիդորովը։

Տաջիկստանում կանցկացվի Կենտրոնական Ասիայի տարածաշրջանի արագ տեղակայման հավաքական ուժերի հետ համատեղ զորավարժություն «Սահման-2022»՝ միջազգային ահաբեկչական կազմակերպություններին հակազդելու խնդիրների մշակման նպատակով։

«Վերջնական փուլում նախատեսվում է ՀԱՊԿ խաղաղապահ ուժերի հետ «Անկործանելի եղբայրություն-2022» հրամանատարաշտաբային զորավարժություն անցկացնել Ղրղզստանի Հանրապետության տարածքում, որի ընթացքում կլուծվեն ճգնաժամային գոտում հետկոնֆլիկտային կարգավորման խնդիրները»,- ասվում է հաղորդագրությունում։