ԱՄՆ-ը ​​դարձել է աշխարհի ամենամեծ ավերիչը վերջին երկու տասնամյակների ընթացքում

Վերջին 20 տարիների ընթացքում ԱՄՆ բանակը և ռազմաօդային ուժերը օրական միջինը 46 օդային հարված են հասցրել:

Ըստ Common Dreams-ի՝ «Code Pink» հակապատերազմական խմբի հիմնադիր Մեդեա Բենջամինը և խմբի վերլուծաբան Նիկոլաս Դևիսն իրենց զեկույցում նշել են. «Պենտագոնը վերջապես հրապարակել է իր առաջին «Ռազմաօդային ուժերի արդյունավետության հակիրճ զեկույցը» Բայդենի պաշտոնավարումից հետո:

Այս ամսական զեկույցները հրապարակվում են 2007 թվականից և փաստում են 2004 թվականից ի վեր ԱՄՆ ռազմաօդային ուժերի կողմից Աֆղանստանում, Իրաքում և Սիրիայում արձակված ռումբերի ու հրթիռների թիվը: Այնուամենայնիվ, ԱՄՆ նախկին նախագահ Դոնալդ Թրամփը դադարեցրել էր դրանք հրապարակել 2020 թվականի փետրվարից՝ թաքցնելով Միացյալ Նահանգների կողմից շարունակվող ռմբակոծությունները։

Վերջին 20 տարիների ընթացքում Միացյալ Նահանգների ռազմաօդային ուժերը և նրա դաշնակիցները ավելի քան 337,000 ռումբ ու հրթիռ են նետել կամ արձակել այլ երկրների ուղղությամբ:

Այս անվերջանալի ռմբակոծությունները ոչ միայն ճակատագրական ու կործանարար են եղել զոհերի համար, այլև լրջորեն խաթարել են միջազգային խաղաղությունն ու անվտանգությունը»։