Այս պահին Երևանում sett-weather
Փոխարժեքներ 28 10 2024
USD ⚊ $ 387.25
EUR ⚊ € 419.2
RUB ⚊ ₽ 4.01
GBP ⚊ £ 502.92
GEL ⚊ ₾ 141.79
կարևոր
0 դիտում, 2 տարի առաջ - 2021-12-30 16:19
Քաղաքական

Կարիք ունեի մարդկանց մոտ հույս արթնացնելու. Քերոբյանը` տնտեսական երկնիշ աճի խոստման մասին

Կարիք ունեի մարդկանց մոտ հույս արթնացնելու. Քերոբյանը` տնտեսական երկնիշ աճի խոստման մասին
2021թ․ ապրիլին Քերոբյանը հայտարարել էր՝ կառավարության նպատակն է տարին փակել երկնիշ տնտեսական աճով։ Նա նաև հրապարակավ խոստացել էր հրաժարական տալ, եթե Հայաստանը տարին չփակի երկնիշ տնտեսական աճով։
 
 2021թ․ արդյունքները դեռ ամփոփված չեն, բայց ՀՀ Էկոնոմիկայի նախարար Վահան Քերոբյանն առայժմ չի շտապում հրաժարվել երկնիշ տնտեսական աճի մասին իր նախկին կանխատեսումներից, թեև խոստովանում է, որ սպասումներն ավելի դրական էին, քան այն, ինչ ունեցանք տարեվերջին։

«Բնականաբար, ես կարծում էի, որ մենք կունենանք բարձր աճ, ու այդ հաշվարկի մեջ դժվար էր ենթադրել, որ մենք կունենանք այսպիսի բաձր գնաճ։ Հիշեցնեմ, որ անցած տարվա նոյեմբերի գնաճը մեզ մոտ եղել է 1 տոկոսի շրջանակներում, իսկ դեկտեմբերին` 3.8 տոկոսի։ Այն ժամանակ շատ բարդ էր հասկանալ, որ պահանջարկի վերականգնումը կառաջացնի այսպիսի ահռելի բարձր գնաճ, և դա էականորեն կրճատեց իրական աճը անվանական աճի նկատմամբ»,– այսօր` դեկտեմբերի 29-ին,ծ առցանց մամուլի ասուլիսում ասաց ՀՀ էկոնոմիկայի նախարար Վահան Քերոբյանը։
 
Նա նշեց, որ եթե լիներ նորմալ գնաճ, երկրի տնտեսությունն ավելի մոտ կլիներ երկնիշ աճին, քան այս պարագայում։ Նախարարը խոստովանեց, որ տարվա արդյունքներից գոհ չէ։
 
«Պետք է կարողանայինք շատ ավելի շատ անել ու առաջիկայում շատ ավելի բարձր աճ ապահովել»,– ասաց նա։
 
Ինչ վերաբերում է երկնիշ տնտեսական աճի մասին իր նախկին կանխատեսումներին, Վահան Քերոբյանը դրանք մեկնաբանեց պահի թելադրանքով` նշելով, որ պատերազմից ու համավարակի ճգնաժամից հետո մարդկանց, հատկապես՝ գործարարներին, հարկավոր էր լավատեսություն ներշնչել։
 
«Ես ինքս էլ կարիք ունեի մարդկանց մոտ հույս արթնացնելու, որ անպայման կհաղթահարենք ձախորդ օրերը։ Եվ այդ առումով շոկային օպտիմիզմ հաղորդելը կարող էր արդյունավետ լինել ու այդպես էլ եղավ»,– ասաց նա։

2021թ․ պետական բյուջեով այս տարվա համար նախատեսված էր 3.2 տոկոս տնտեսական աճ` 2020թ․ի 7 տոկոսանոց անկման դիմաց, ինչը հանրագումարում շուրջ 10 տոկոսանոց աճ է ենթադրում։
 
Կենտրոնական բանկի՝ դեկտեմբերի 14-ի դրությամբ արված կանխատեսման համաձայն` տարեկան աճը կկազմի 4.2 տոկոս։ Իսկ ՀՀ վարչապետ Նիկոլ Փաշինյանը հուլիսի 1-ին հայտարարել էր 6 տոկոս տնտեսական աճի մասին։
 
Արտահերթ ընտրություններից հետո կառավարության՝  2021թ․ օգոստոսին ընդունած հնգամյա ծրագրով` այս տարվա համար նախատեսված է առնվազն 7 տոկոս տնտեսական աճ։
բաժանորդագրվել
Նմանատիպ նյութեր

Լրահոս

  • բոլոր լուրերը
    • Հրապարակումների արխիվ - կայքի նախկին տարբերակը

    Հետադարձ կապ

    • Սոց. ցանցեր

    © 2024 Yerkir.am Բոլոր իրավունքները պաշտպանված են։

    Մեր կայքում տեղ գտած հրապարակումների հեղինակային իրավունքը պատկանում է բացառապես yerkir.am խմբագրությանը։ Այլ ԶԼՄ-ներում սույն կայքի հրապարակումներից որևէ մեկը ամբողջական վերահրապարակելու համար անհրաժեշտ է yerkir.am-ի խմբագրության համաձայնությունը: Լրատվամիջոցները կարող են yerkir.am-ից մեջբերումներ վերահրապարակել միմիայն հատվածաբար` պարտադիր օգտագործելով հիպերհղում:
    Գաղտնիության քաղաքականություն Կայքի հին տարբերակը