Փոխարժեքներ
28 10 2024
|
||
---|---|---|
USD | ⚊ | $ 387.25 |
EUR | ⚊ | € 419.2 |
RUB | ⚊ | ₽ 4.01 |
GBP | ⚊ | £ 502.92 |
GEL | ⚊ | ₾ 141.79 |
Էր Ռիադը մեծ մտահոգությամբ է հետևում իրանական ռեժիմի քաղաքականությանը, որը խաթարում է վստահությունն ու կայունությունը տարածաշրջանում. հայտարարել է Սաուդյան Արաբիայի թագավոր Սալման իբն Աբդուլ-Ազիզ ալ Սաուդը՝ ելույթ ունենալով Մեջլիս ալ Շուրայի (Սաուդյան Արաբիայի խորհրդատվական խորհրդի) նիստերի բացմանը. հայտնում է SPA գործակալությունը։
«Իրանը հարևան երկիր է, ուստի հուսով ենք, որ Թեհրանը կփոխի իր քաղաքականությունը և տարածաշրջանում ապակայունացնող պահվածքը՝ շարժվելով դեպի երկխոսություն և համագործակցություն։ Իրանի ռեժիմը աջակցում է միջկրոնական զինված խմբավորումների ձևավորմանը և համակարգված կերպով մեծացնում իր ռազմական ներկայությունը տարածաշրջանի երկրներում»,- ասել է Սաուդյան Արաբիայի թագավորը։
Սալմանն ուշադրություն է հրավիրել թագավորության քայլերին տարածաշրջանում և միջազգային ասպարեզում, կարևորել Պարսից ծոցի արաբական պետությունների համագործակցության խորհրդի դերը՝ որպես տարածաշրջանային համախմբվածության գաղափարը վարող։