Չավուշօղլուն Ցեղասպանության զոհերի ժառանգներին ձեռքով Գորշ գայլերի նշանն է ցույց տվել

Ուրուգվայում Թուրքիայի նոր դեսպանատան բացումից հետո տարածքից հեռացող Թուրքիայի ԱԳ նախարարը իր դեմ բողոքի ակցիա իրականացնող հայերին Գորշ գայլերի նշանն է ցույց տվել։

Ուրուգվայում ապաստանած Հայոց ցեղասպանության զոհերի ժառանգները Ուրուգվայի մայրաքաղաքում Թուրքիայի նոր դեսպանատան բացմանը ժամանած Թուրքիայի ԱԳ նախարարի դեմ Հայաստանի եռագույն դրոշներով եւ Հայոց Ցեղասպանության ժխտումը դատապարտող կարգախոսներով բողոքի ակցիա են իրականացրել։

Դեսպանատան շեմքից մեքենայով դուրս եկած Չավուշօղլուն ծիծաղում է հայերի վրա եւ թուրք ազգայնամոլների Գորշ գայլերի նշանը ցույց տալիս։ Այդ ընթացքում դրսում գտնվող դեսպանատան աշխատակիցները ծափահարում են Չավուշօղլուին։